گنگاجمنی اینٹوں سے چنا ہوا مکان پوری طرف خوف و ہراس اور گہرے دکھ میں ڈوبا ہوا ہے۔ صحن میں دستی نل کی ہودی سے قدرے ہٹ کر ایک ادھیڑ عمر خاتون دوپٹے کو کمر پر لپیٹنے کے بعد اس کے دونوں سروں میں گرہ لگا رہی ہے۔ گرہ لگانے کے بعد خالی خالی نظروں سے اس نے مقابل کھڑی بڑی بیٹی کو دیکھا وہ اپنی شلوار کو نیفے میں اُڑاس کر اونچا کر رہی تھی۔ادھیڑ عمر عورت نے جھک کر چوڑی دار پائجامے کو ٹخنوں سے اوپر چڑھایا۔ قریب پڑے پھاوڑے کے دستے کو پکڑ تے ہوئے اس نے دالان پر نگاہ ڈالی۔ گنگاجمنی اینٹوں سے چنا ہوا مکان پوری طرف خوف و ہراس اور گہرے دکھ میں ڈوبا ہوا ہے۔ صحن میں دستی نل کی ہودی سے قدرے ہٹ کر ایک ادھیڑ عمر خاتون دوپٹے کو کمر پر لپیٹنے کے بعد اس کے دونوں سروں میں گرہ لگا رہی ہے۔ گرہ لگانے کے بعد خالی خالی نظروں سے اس نے مقابل کھڑی بڑی بیٹی کو دیکھا وہ اپنی شلوار کو نیفے میں اُڑاس کر اونچا کر رہی تھی۔ادھیڑ عمر عورت نے جھک کر چوڑی دار پائجامے کو ٹخنوں سے اوپر چڑھایا۔ قریب پڑے پھاوڑے کے دستے کو پکڑ تے ہوئے اس نے دالان پر نگاہ ڈالی۔ دالان میں اس کی سب سے چھوٹی بیٹی کھبی اپنی ماں کو دیکھ رہی تھی،کبھی اپنی اپیا کواور کبھی زمین پر پڑی اپنے ابّو اور جوان بھائی کی لاشوں کو۔ ایک کے سینے پر گولی لگی تھی اور دوسرے کے سر میں ۔ دونوں کے سفید کرتے خون میں سنے ہوئے تھے اور اب تو خون کی رنگت بھی بدل چکی تھی۔ ماںنے اپنی نگاہوں کا زاویہ تبدیل کیا۔ بڑی بیٹی کو دیکھا ، آنکھوں ہی آنکھوں میں دونوں نے کچھ طئے کیا، پھاوڑے والا ہاتھ بلند ہوا اور پوری قوّت سے زمین کی چھاتی میں پھاوڑ ا دھنس گیا۔دھپ کی آواز ، دالان میں بیٹھی تینوں بہنوں نے سنی، تینوں ہی نے سہم کر ایک دوسرے کو دیکھا۔چھوٹی نے اضطرار کے عالم میںباپ کے لاشے کی پنڈلی تھام لی، سہمی سہمی نگاہ اس نے ماں پہ ڈالی ، جس کا پورا وجود ایک بار پشت کی طرف جھکا ، دونوں ہاتھ بلند ہوئے ، پھاوڑا نیم کی شاخوں تک پہنچا اور دھپ کی آواز کے ساتھ ہی دور کہیں گولی چلنے کی آواز تینوں نے سنی۔ گولی چلنے کی آواز کااثر گڑھا کھودنے والی ماں اور بیٹی پر نہیں ہوا۔ یوں لگتا تھا کہ ان کے کان قوّت سماعت سے محروم ہو چکے ہیں اور ان کی آنکھوں کے حلقوں میں اب ڈھیلے بھی نہیں رہے۔ بس انہیں یاد تھا تو اتنا کہ دالان میں بچیوں کے پاس دو لاشیں پڑی ہیں اور شہر میں بے مدت کرفیو لگا ہے۔ اگر لاشیں یوں ہی پڑی رہ گئیں تو تعفن کے مارے گھر میں بیٹھا نہ جاسکے گا اور گھر سے باہر نکلنے کی پاداش میںدائیں ،بائیں یا کسی اونچے مکان کی چھت سے گولی چلے گی اور۔۔۔۔۔۔۔۔۔۔۔۔۔۔۔۔۔ پھاوڑے اور بیلچے نے زمین کی تہیںکھولنی شروع کر دی تھیں ، پھاوڑے کی ہر ضرب خوف ناک سناٹے کی چادر کو تانتی چلی جا رہی تھی، ماں اور بیٹی بلارکے گڑھا کھود رہی تھیں۔انہیں پتہ ہی نہیں چلا کہ رات نے کرفیو زدہ شہر پر کب سیاہی پھیری ۔ دالان میں بیٹھی تلے اوپر کی تین بہنوں میں سے ایک نے صحن میں پھیلتے اندھیرے کو محسوس کیا تو اٹھ کے اس نے باورچی خانے کا رخ کیا۔ چند لمحوں بعد وہ ڈھبری جلارہی تھی۔دوسرے ہی پل گہرا زردی مائل اجالا دالان اور صحن میں پھیلنے لگا۔ لمحے بھر کی خاطر گڑھا کھودنے والی ماں اور بیٹی کے ہاتھ رکے ، چہرے گھومے ، دونوں نے قمیضوں کی آستینوں سے چہرے کا پسینہ پونچھاٹھیک اسی وقت دالان میں بیٹھی دونوں بہنوں نے ڈر کے مارے سر جھکالئے، یہ۔۔۔۔۔۔۔۔۔۔ہماری اپیا تو نہیں۔ یہ امّی تو ہر گز نہیں ہیں۔ انہوں نے سوچا۔ تو کسی اور دنیا کی عورتیں ہیں۔امّی اور اپیا کا چہرہ اتنا دہشت ناک تو نہ تھا۔ٍ اپیا کی مٹھیوں میں دبا بیلچہ زمین میں دھنسا ، مٹی کی تہہ نل کی ہودی کی طرف ڈھیر ہوئی اور ماں کا پھاوڑہ پوری قوّت سے زمین کی چھاتی پر پڑا۔ بس ۔ ایسا ہی ہوا ہوگا۔ اپیا کی اپنی چھاتی میں درد کی ایک تیز لہر اٹھی۔ اس نے ماں کا پھاوڑہ زمین میں دھنسا دیکھا ۔ شاید وہ کچھ اور بھی سوچتی پر بے گور کفن باپ اور بھائی کی لاش کا خیال آتے ہی وہ چونکی۔بیلچے کی کھچ کھچ اور پھاوڑے کی بھد بھد کے بیچ ہی ایک تیسری آواز بھی کافی دیر سے سنائی دے رہی تھی۔دالان کی مشترکہ دیوار میں موجود کھڑکی کی کنڈی مسلسل مگر احتیاط سے بج رہی تھی۔لیکن ماں بیٹی کے ہاتھوں کی مصروفیت اور ماحول پر مسلط خوف کی وجہ سے دالان میں بیٹھی بہنوں نے اس پر توجہ ہی نہ دی۔ اب کی مرتبہ کنڈی قدرے زور سے بجائی گئی ، تب اس لڑکی نے جو کچھ دیر پہلے ڈھبری جلا چکی تھی، پہلے گڑھے کو، پھر فرش پہ پڑی لاشوں کو دیکھااور صحن میں گڑھا کھودنے میں مصروف ماں اور اپیا کو۔گویا اسے ان کی اجازت مطلوب ہو۔لیکن انہیں اپنے کام میں منہمک پا کر اس نے چھوٹے چھوٹے قدم اٹھائے ، کھڑکی کے قریب پہنچی۔اور چٹخنی گرادی۔ کھڑکی کے اس پار ماسی کھڑی تھیں۔اپنا غم زدہ چہرہ لیے۔ دونوں کی نظریں ملیں، ماسی نے شفقت بھرا ہاتھ بچّی کے سر پر رکھا۔داہنا پیر اٹھا کر کھڑکی کی راہ وہ پڑوس میں چلی آئیں۔ پھر بائیں ہاتھ سے سانکل پکڑے وہ جھکیں اور اپنی اور سے تشا اٹھا کر تیزی سے صحن کی طرف بڑھ گئیں۔ دالان میں بیٹھی سب سے چھوٹی بچی نے سامنے کی دیوار پر صحن کی طرف بڑھتی ہوئی ماسی کا سایہ دیکھا تو ڈر کر آنکھیں بند کر لیں۔وہ کافی دیر سے ڈھبری کی زرد روشنی میں اپنے ہی سائے کو عجیب عجیب حرکتیں کرتے ہوئے دیکھ رہی تھی۔ بس ، چند لمحوں کی خاطر بیلچے اور پھاوڑے نے زمین کی پرتیں ادھیڑنی چھوڑ دی تھیں ۔ماں اور بیٹی نے پڑوسن کو دیکھا دونوں کے دل پھڑ پھڑائے، اس سے پہلے کہ دونوںکے دل سے بخارات اٹھ کر آنکھوں کی راہ بہہ نکلتے ماں نے پھاوڑہ سر سے بلند کیا،دھپ کی آواز آئی۔کافی مٹی پھاوڑے پر آگئی تھی فوراََ ہی پڑوسن نے تشا آگے بڑھا دیا۔ اب کام بٹ گیاتھا۔ان کی ہمتیں بلند ہو گئی تھی۔پر اندھیرا گہرا ہوتا جا رہا تھا۔چھے ہاتھ تیزی سے چل رہے تھے۔۔ ڈھبری کی زرد روشنی میں ان تینوں کے سائے غسل خانے کی دیوار پر پڑ رہے تھے۔چھوٹی بچی کی آنکھیں نیند سے بوجھل ہو چلی تھیں۔اس کی پلکیں موندھتی ہی چلی جارہی تھیں کہ ماحول کے سکوت نے اس کے ذہن کو بیدار کر دیا۔آنکھیں کھول کر اس نے دیکھا۔ امّی اپیااور ماسی کے ہاتھ رکے ہوئے ہیں۔ ماں کے ہاتھ میں ایک ہڈّی ہے اور ایک ادھوری انسانی کھوپڑی مٹی کے ڈھیر پر پڑی ہوئی ہے۔ ایک گھٹی گھٹی سی چیخ اس کے اندر سے ابھری مگر حلقوم تک آتے آتے دم توڑ گئی، کچھ لمحے بعد بچی کی پلکوں کے کواڑ پھر بند ہونے لگے۔ یکبارگی دروازہ دھڑ دھڑا کر کھل گیا۔ ڈر کے مارے سب کی چیخیں بلند ہو گئیں ۔ پڑوسی شرما جی کے لڑکے انیل نے بھیا کو کندھے پر اٹھا رکھا ہے اور ابّو نڈھال سے زمین پر تڑپ رہے ہیں۔ ’’اپیا۔۔۔۔۔۔۔۔۔۔آئو۔۔۔بھائی کو۔۔۔۔۔۔۔۔۔سنبھالو۔۔۔۔۔۔۔۔۔عید گاہ پر۔۔۔۔۔۔۔۔۔بلوے میں۔۔۔۔۔۔۔۔۔۔ان کے گولی لگ گئی۔۔۔۔۔۔۔۔۔۔۔چاچا انہیں اٹھائے بھاگ رہے تھے۔اپنی۔۔۔۔۔۔۔۔گلی کے موڑ پر۔۔۔۔۔۔۔۔۔۔ پولس نے۔۔۔۔۔۔۔۔۔۔۔پیچھے۔۔۔۔۔۔۔۔۔سے۔۔۔۔۔۔۔۔۔۔۔آؤاپیا ۔جلدی آؤ۔۔۔۔۔۔۔۔۔۔۔ صبح ساڑھے سات بجے دونوں باپ بیٹے سفید کرتے پائجامے پہن کر عید گاہ گئے تھے اور اب انیل نے اس کے ویراکو کندھے پر سہاررکھا تھا۔اس کے ابو خون میں لت پت پڑے تھے۔سانسیں اکھڑ چلی تھیں ، اپیا اور امی بولا کر ان کی طرف بڑھیں ، جیسے تیسے انہوں نے ان دونوں کو دالان میں پہنچایا۔دروازے سے دالان تک پہنچے میں ابو نے آنکھیں بند کر لیں۔انیل بجھے دل کے ساتھ سر جھکائے مکان سے نکلااور ٹھیک اسی وقت گولی چلنے کی آواز ان لوگوں نے سنی ۔ کئی چیخیں انہوں نے سنیں۔پر ایک چیخ ان سب سے بلند تھی۔ اپیا نے دروازہ بند کرتے ہوئے گلی میں تڑپتے انیل کو دیکھ لیا تھا۔دور کہیں لائوڈ اسپیکر پر پولس والے بے مدت کرفیو کا اعلان کر رہے تھے اور پھر ایک چیخ بلند ہوئی تھی۔ گھبرا کر وہ جاگ اٹھی ۔ محراب کے کھولے سے لگے لگے اس کی آنکھ لگ گئی تھی ۔وہ اس کی اپیا کی چیخ تھی۔ جو کرفیو زدہ رات کا سینہ چیرنے کے بعد خاموشی کا ایک حصّہ بن گئی۔ اس نے نندا سی آنکھوں سے دیکھا، اپیا، امّی، ماسی، ابو اور بھیّا، کی لاشیں گڑھے میں اتر چکی ہیں۔ دونوں لاشیں برابر لٹانے کے بعد امّی نے کمر پر بندھا دو پٹہ کھولا ہے اور لاشوں پر ڈال دیا ہے۔ اپیا نے گھڑونچی پر رکھا اپنا دوپٹہ اٹھایا۔ ماسی کی مدد سے اسے پھیلایا اور میّتیں ڈھک دیں۔ ایک مرتبہ پھر بیلچہ اور پھاوڑا مصروف ہوا۔ادھر ادھر پھیلی مٹی سے گڑھا بھرا گیا۔اپیانے ، پھر آستین سے پسینہ پونچھا گھڑونچی کے قریب پہنچیں ۔بالٹی اٹھائی اور نل کی طرف بڑھنے لگی۔ایک بچّی دوڑ کرنل کے قریب پہنچی اور ہتھّی چلانے لگی۔ بالٹی بھر جانے کے بعد اپیا نے باپ اور بھائی کی مشترکہ قبر پر پانی چھڑکا ۔ا مّی نے غور سے اپنی بیٹی کو دیکھا اور نڈھال سی دالان کی طرف بڑھیں ۔ لیکن وہ چند ہی قدم چلی تھیںکہ چکر اگر گر پڑیں ۔ ماسی دوڑیں ۔چلوّمیں پانی لے کر ان کے منھ پر چھینٹے دیئے۔امّی نے آنکھیں کھول کر ماسی کو دیکھا ۔ اک ذرا سا ہاتھ اٹھا کے انہیں اطمینان دلایا۔تب ماسی نے گھٹنوں پر ہتھیلیوں کا دبائو ڈالا ۔ اٹھیں ، اپنا تشا اٹھا کر اپیا کو حسرت بھرے انداز میں دیکھااور پھاوڑے کی طرف بڑھادیا۔ اپیا اپنی اجڑی آنکھوں سے ماسی کو دیکھ رہی تھی۔اس نے دیکھا ماسی کی آنکھوںسے آنسو رواں تھے اور وہ تھکے قدموں سے دالان کی مشترکہ کھڑکی کی طرف بڑھ رہی تھیں ۔ پل بھر میں اپیا نے ایک فیصلہ کیا۔اپنا بیلچہ اٹھا کر وہ بھی ماسی کے پیچھے چل پڑی ۔ محراب کے کھولے سے لگی بچی نے اپیا کو دوسری طرف جاتے ہوئے دیکھا ۔ کچھ دیر بعد برابر کے مکان سے کھچ کھچ اور دھپ دھپ کی آواز آرہی تھیں ۔ بچّی کی پلکوں کے پٹ پھر بھڑنے لگے تھے۔اور مندتی ہوئی پلکوں کی جھری سے وہ دیوار پر پڑتے سائے کو دیکھ رہی تھی ۔ اپنے ہی سائے کو۔ جو کبھی ایک جگہ تھم جاتا۔کبھی لہراتا اور کبھی طوفانی انداز میں اپنے ہی جیسے دوسرے سایوں پر حملہ کر بیٹھتا تھا۔دور کہیں پھر گولی چلی تھی اور ایک چیخ بھی بلندہوئی تھی۔

بھارت ٹرانسپورٹ کے مالک کھر بندہ صاحب میرٹھ ، بمبئی لائن پہ ٹرک چلانے والے ایمان دارجفا کش ڈرائیور افتخار کے گھر رسمی طور سے اس کی عیادت کرنے گئے تھے۔ پر اُسے دیکھتے ہی ان پر حیرتوں کے پہاڑ ٹوٹ پڑے ، دو تین مہینے پہلے ، جب افتخار مال بھر کے بمبئی گیا تھا تو کیسا ہٹّاکٹّاتھا۔ بھارت ٹرانسپورٹ کے مالک کھر بندہ صاحب میرٹھ ، بمبئی لائن پہ ٹرک چلانے والے ایمان دارجفا کش ڈرائیور افتخار کے گھر رسمی طور سے اس کی عیادت کرنے گئے تھے۔ پر اُسے دیکھتے ہی ان پر حیرتوں کے پہاڑ ٹوٹ پڑے ، دو تین مہینے پہلے ، جب افتخار مال بھر کے بمبئی گیا تھا تو کیسا ہٹّاکٹّاتھا۔ٍ اور اب جھلنگی چار پائی پر جو شخص انہیں دکھائی دے رہا تھا ، وہ تو کوئی دوسرا ہی بندہ تھا۔ رسمی طور پر دو چار جملے ادا کرنے کے بعد وہ باہر نکلے ، ایک کیمسٹ کی دوکان سے دفتر فون کیا۔ دوسری طرف سے رابطہ قائم ہونے پر وہ بولے۔ ــ’’ویرا میں ہوں۔سریش۔لال کرنی افتخار کے گھر ڈرائیور کے ہاتھ میری گاڑی بھیج۔ اوئے گل نہ پوچھ۔ اُسے دلّی لے جاتی ہوں۔ اسپتال میں داخل کرنے۔ٍٍ تقریباََ بیس منٹوں بعد ماروتی وین میں ڈرائیور کے برابر والی سیٹ پر وہ بیٹھے تھے، پچھلی سیٹ پر سکڑا،سمٹا افتخار اپنی بیوی شاکرہ کی گود میںسر رکھّے پڑا ہوا تھا۔ شاکرہ، حال اور مستقبل کے خدشات میں گھڑی بیٹھی تھی۔گھر میں کمانے والا، تنہا اس کا میاں تھا ۔سال دو سال کی چھوٹ بڑائی لئے تین بچیّ اور ایک بوڑھی ساس ۔ اس کے ذہن میں پچھلے دو ڈھائی مہینوں میں ہزاروں وسوسوں نے جنم لیا تھا، لیکن افتخار کی صرف ایک تھکی ماندی مسکراہٹ نے ان وسوسات کا کام تمام کرنے میں نمایں کردار ادا کیا تھا۔شاکرہ سوچ رہی تھی کہ اب تو ان کے چہرے سے وہ مسکراہٹ ہی غائب ہوگئی جو دماغ میں پنپتے تشویش کے  کیڑوں کو رسان سے کچل دیا کرتی تھی۔ طوفانی رفتار سے دوڑتی ماروتی وین ڈیڑھ گھنٹہ بعد اَ رون اسپتال کے پورچ میں رکی۔کھر بندہ صاحب کے اشارے پر وارڈ بوائز اسٹریچر اٹھا کر وین کی طرف بڑھے۔دو منٹ بعد ہی ڈاکٹر نے افتخار کا معائنہ کیا،میرٹھ میں جن ڈاکٹروں نے ا ن کی رپورٹیں Case Paperکے ساتھ نتھی کرنے کے بعد ڈاکٹر نے افتخار کو جنرل وارڈ میں داخل کرنے کی ہدایت کی اور جب وارڈ بوئے مریض کا اسٹریچر Casulaty Wardسے لے کر نکل گئے تب او۔پی۔ڈی انچارج نے کھرہ بندہ صاحب کو اطمینان دلایا۔ ’’اُس کی بیوی بھی ساتھ آئی ہے کیا وہ۔۔۔۔۔۔۔۔۔۔۔۔۔۔۔۔۔۔ ـ’’سوری۔ جنرل وارڈ میں ، وہ بھی مَردانے وارڈ میں اس کی ذمّہ داری ہم نہیں لے سکتے ۔ٍٍ ڈاکٹر نے جذبات سے عاری لہجے میں معذرت چاہی تو کھربندہ صاحب یہ کہتے ہوئے کرسی سے اُٹھ کھڑے ہوئے کہ میں ہفتہ پندرہ روز میں چکر لگایا کروںگا۔بائی دی وے ایمر جنسی کی حالت میں آپ نے میرا پتہ اور فون نمبر تو لکھ ہی لیا ہے۔ چوبی سال خورہ بینچ پر ہونّق بیٹھی شاکرہ نے انہیں دیکھا تو ایک دم سے کھڑی ہوگئی ، اس کے قریب، پہنچ کے بولے۔ ــ’’افتخار کے پاس تیرے بیٹھنے کی اجازت نہیں ہے۔تو، میرٹھ چل سب ٹھیک ہوجاے گا۔ ـــ’’نا ۔جی۔میں تو اِنگے ہی رہوں گی۔ اپنے میاں کے دھورے بچّوں کو ماں کنے چھوڑیائی۔بس آپ تو ان کی خبر گیری کرتے رہیٔو۔ ـ’’پرتو، یہاں کیسے رہے گی؟ ’’اجی یہیںتو مارا پپہرے گا۔ چتلی قرپہ۔ ــ’’تب تو ٹھیک ہے۔ اور سن ! اسپتال میں اپنا فون نمبر لکھوا دیا ہے میں نے۔ ضرورت پڑے تو بلوا لینا مجھے اور ہاںاب تو چتلی قبر ، اپنے میکے چلی جا۔ شام سمندھیوں کے ساتھ آجانا۔ ’’جی!۔‘‘ٍ ’’تو میں چلوں؟‘‘ کھربندہ صاحب نے پتلون کی جیب میں ہاتھ ڈالا۔ دو تین ہزار روپے اس کی طرف بڑھائے اور پھراس سے مخاطب ہوئے ۔ ’’افتخار، اپنا بہت پرانا ڈرائیور ہے۔ اس کی ضرورت پڑے گی۔ کھر بندہ صاحب کے چہرے پر ممنونیت کی ایک بھر پور نگاہ ڈالتے ہوئے اس نے ہاتھ بڑھا کر روپئے لیے۔اور ٹھیک جب اس لمحہ جب نوٹ ایک ہاتھ سے دوسرے ہاتھ میں منتقل ہورہے تھے۔ شاکرہ رونے لگی۔ فوراََہی کھر بندہ صاحب نے اس کے سر پر ہاتھ پھیرا اور بولے۔ ــ’’روتی ہے پگلی۔ اب رونے کی نہیں ، رب سے دعا مانگنے کی ضرورت ہے۔رب کو یاد کر ۔ وہ چنگا ہو جائے گا۔ دوسرے دن دس بجے کے آس پاس افتخار پھر ڈاکٹروںکے درمیان گھرا ہوا تھا ۔اکیلی نحیف ونزا ر جان تھی اور کئی ڈاکٹروں کے سوالات ۔ ’’کیاکرتے ہو؟ ’’ڈرائیونگ! ’’کار چلاتے ہو؟ ـ’’نا۔ جی۔ ٹرک پہ چلوں ہوں۔ میرٹھ سے دلّی ہوتا ہوا بمبئی جایا کروں تھا۔ٍ ’’پہلی مرتبہ بخار آیا تھا؟ٍٍ ’’دو ڈھائی مہینے ہوگئے۔ سورا، اترکے ہی نہ دیوے۔ ’’شراب پیتے ہو؟ ’’توبہ کروں اُس سے۔ ’’سگریٹ ؟ ــ’’ اجی وہ کبھی کبھار پی لیا کروں ہوں۔ ’’اجی یہ جو حلق کے نلّے ہیں گے۔سورّے اینٹھیں ہیں گے۔بدن میں جان ہی نہیں لگے۔ وزٹ کرنے والے ایم۔ ڈی ڈاکٹرنے ایک لمبی ہنکاری بھری اور جونئیر زمعا لجین کو مخاطب کیا: ’’خون ، پیشاب ،ٹٹّی اورتھوک ، سب چیک کرائیں۔ ــ’’ سر! وہ سب تومریض کے کیس پیپر میں اٹیچ ہیں۔ اس نے میرٹھ کے پیارے لال شرمامیں بھی علاج کروایا تھا۔ ’’آپ پھر چیک کریں۔‘‘ بڑے ڈاکٹر کے لبوں کی مسکراہٹ دیگر ڈاکٹروں کو بہت کچھ سمجھا گئی تھی۔اُدھر افتخار جب اپنے بستر پر لٹا دیا گیاتو سوچنے لگا۔ کیسے کیسے سوال کریں ہیں سورے ڈاکٹر ۔سبھی کچھ ہم بتا دیں اور جواب میں جھولوپیٹے دوائی کی پرچی پکڑادیویں۔کھائے جائوسسری دوائیں اور سوکھتے جائو۔پر ایسا کون روگ لگ گیا جو پیچھا ہی چھوڑنے کے نہ دیوے ہے گااب پھر خون ، پیشاب ، ٹٹی چیک ہوگی۔ دیکھیں۔ اب یہ کیا کہیوں گے۔ شام کو چتلی قبر سے شاکرہ چلی آئی تو اس نے اس سے بھی یہی باتیں دہرائیں۔وہ اللہ میاں کی گائے، میاں کو حسرت بھرے انداز میں دیکھتی رہی ، پھر اُس نے میکے کا ذکر چھیڑدیا۔کھر بندہ صاحب کی تعریفوںکے پل باندھے ، افتخار نے ساری بات خاموشی سے سنی۔ پھر آہستہ سے بولا۔ ’’اِدھر کو آئیو۔ وہ اُس کے قریب جھکی تو اس نے قدرے جھنجھلا کر کہا۔ ’’وس سسرنے ٹول کو انگے مارے سر ہانے کھینچ لے، ایک بات کہنی ہے تجھ سے۔ ’’اچّھے ہو جائو، پھر بتا دیجیؤ۔ دماغ پر زور نہ ڈالو۔ وہ جو ڈاکٹر صاحب ہے نہ۔ وے بتا دیں تھے کہ تم سوچا کروہو۔ ’’سچ ہی کہا انھوں نے ۔ سوچوں تو ہوںپر کچھ نا سوجھے ۔ایک بات ۔۔۔۔۔۔۔۔۔ایک بات کم بخت ماری۔۔۔۔۔۔۔۔۔۔۔کئی روزسے تجھ سے کہنا چاہوں پر۔۔۔۔۔۔۔۔۔ ’’کہانا چنگے ہونے پہ کہہ دیجیٔو۔ ’’مجھ سے وعدہ کر۔ افتخارکی لرز تی ہوئی آواز شاکرہ نے سنی تو فوراََ اس پر جھگ گئی۔ افتخار نے کچھ کہنے کے لئے ہونٹ ہلائے اور پھر سر کو بائیں طرف دال دیا۔شاکرہ نے استفہامیہ نظروں سے اس کی طرف دیکھا۔تکیہ پر ایک گیلا دائرہ پھیلتا ہی جارہا تھا۔ ’’ائے جی!  میں کہوں۔ ہمت سے کام لو۔ اللہ کی رحمت سے مایوس نہ ہو۔وے سب ٹھیک کرے گا۔ لیکن افتخار پر رحمت کے دروازے بند ہو چکے تھے۔تیسرے دن پھر جب ایم۔ڈی نے وزٹ کی اور تمام رپوٹیں پڑھیں تو اپنے جونیئر زسے کہاImmediately shift him to special ward.   ’’کیوں سر؟ ایک ساتھ کئی آوازیں سوال بن گئیں۔ He has got AIDS’’اوہ۔ پھر ایک مشترکہ گونج سے کمرہ بھر گیا۔دوسرے ہی پل ڈاکٹروں نے ترحم آمیز نگاہ افتخار پر ڈالی۔ ’’ریڈ لائٹ ایریے میں گئے ہو؟ وزٹ کرنے والے ڈاکٹر نے سوال کیا۔۔’’وہ کیاہوئے ہے جی؟ ’’ مطلب یہ کہ رنڈی بازی کا شوق ہے؟‘‘ یہ۔۔۔۔۔۔۔۔۔نا جی۔ سینئراور تمام جونیئر ز ڈاکٹر اس کے جواب سے مطمئن نہیں تھے۔ اسے جب جنرل وارڈ سے اسپیشل وارڈ میں منتقل کیا جانے لگاتو خود اس کی اپنی سوچ اُس ٹرک سے بھی تیز دوڑ رہی تھی جسے ہائے وے پر وہ بے خطر چلایا کرتا تھا۔میرٹھ میں لال کرتی کا علاقہ، سائیکل رکشہ سے باغپت اڈّے کا سفر ، دلّی ، متھرا ، احمد آباد ہوتا ہوا بمبئی تک کا تھکا دینے والا سفر، دن میں آرام اور رات کے سنّاٹے میں گونجتے ٹائروں کی چرمراہٹ ، سفر ،سفر،سفر۔ دم لینے کو تھے تو کچھ مخصوص پٹرول پمپ یا ان سے ملحق ڈھابے یہی تو رین بسیرے تھے میرے۔ پر نہیں۔ سوچ کو ایک دم سے ایمر جنسی بریک لگااور سب کچھ ہل کے رہ گیا۔ٍ جنرل وارڈ سے کافی دور ، اسپتال کے ایک ویران سے گوشہ میں ایک منزلہ اسپیشل وارڈتھا۔ جہاں اُسی کی مانند آٹھ دس لاغر مریض پڑے ہوئے تھے۔ان سب نے نو وارد مریض کو بہ حسرت ویاس دیکھااور سوچا۔کیا سب ہی بُری عورتوں کی سنگت میں پڑنے کے بعد یہاں آئے ہیں؟ نہیں نہیں۔ ڈاکٹر صاحب کی ۔ کیا کیہویںہیں ویسے؟ تشخیص ۔ ہاں مجھے تو لگے ان کی تشخیص غلط ہے گی۔ٍٍ مگر بستر پر لیٹتے ہی ذہن پہ چھائی دھند چھٹی ، اور اس کے حافظے کی ایک گرہ خود بخود کھل گئی۔وہ بمبئی کی ایک سرد شام تھی۔اس کے ساتھیوں نے سونے سے پہلے دارو پی تھی۔پھر ان میں سے چند ایک نے اُسے زبردستیاپنے ساتھ ٹیکسی میں بٹھا لیا تھااور ٹیکسی تھمی تو اس نے دیکھا کہ وہ بازارِحسن تھا۔مگر حسن کہاں تھا؟ یاروں کے کھدیڑنے پر وہ ایک عمارت کی دوسری منزل پر پہنچا تھا۔بڑی عجیب عجیب سی لونڈیاں تھیں۔چپٹی ناک ،چوندھی آنکھیں۔چھوٹے سے دہانے۔ اٹکھیلیاں شروع ہو گئیں۔ایک چھوٹی سی نیپالن اس کی گود میں آ بیٹھی۔ اسے ایک دم سے شاکرہ یا دآئی، ملائم ملائم وجود کا پیکر، اور یہ جو گود میں ڈھے گئی ہے۔کیسے ٹھکے ہوئے جسم کی لگائی ہے یہ۔نہیں ۔ہاں۔ہاں۔نہیں ۔نہیں ۔ہاں۔ہاں۔آخر اس کی رال ٹپک ہی گئی۔ واپسی بھی ٹیکسی سے ہی ہوئی۔مگر یاروں کی بہ نسبت وہ چپ چاپ ساتھا۔گاڑی میں سونے سے پہلے اس نے سوچا کہ یہ سب کیسے اور کیوں کر ہوا۔دو بول کے بدلے آخری سانسوں تک ساتھ دینے والی شاکرہ اور دس روپلّی میں خریدی اس لگائی میں کیا فرق تھا یہی نا کہ دال وہ بھی تھی اور یہ بھی، پر بگھار بازاری دال میں کچھ سوا تھالیکن۔ایک کمی تھی اس بگھار والی دال میں نمک کم تھا۔ تو کیا۔میں نے دس روپیے میں اپنی موت خریدی۔ دس روز شاید یہی بات میں شاکرہ سے کہنا چاہوں تھا۔ پر کہہ نہ سکا۔ بیسیوں بار اس کے سامنے کپڑے اتارے ہیں گے میں نے ۔ لیکن اگر اس سے اس بار ے میں کہہ دیا تو پورم پور ننگا ہوجائوں گا۔دس کی نگاہوں میں۔ دوسرے دن شاکرہ اپنے چھوٹے بھائی کو ساتھ لے کر صبح ہی جنرل وارڈ میں پہنچی تو افتخار کے پلنگ پر کوئی دوسرا مریض لیٹا کھانس رہا تھاوارڈ بوائز سے پتہ کیا تو معلوم ہوا کہ وہ اسپیشل وارڈ میں منتقل کر دیا گیا ہے۔اس نے نرسوں کو تلاش کرنے کے خاطر اِدھر اُدھرنگاہ دوڑائی ۔جنرل وارڈ کے کونے میں ڈاکٹروں اور نرسوں کا جھمگٹا نظر آیا تو دونوں بھائی بہن وہاں پہنچے۔کچھ ڈرتے جھجکتے اس نے ایک نرس سے اپنے میاں کے متعلق پوچھا۔بڑے ڈاکٹر نے مریض کامعائنہ کرتے ہوئے کنکھیوں اسے دیکھا۔اس کی بات سنی اور جس مریض کو دیکھ رہا تھا اسے چھوڑ کر شاکرہ کے قریب پہنچا۔شاکرہ کے حلق کے ابھرتے نلوں پہ نگاہ ڈالتے ہوئے اس نے اپنے جونیئر ز ڈاکٹروں سے کہا۔ ’’اسے بھی داخل کیجئے۔ خون ، تھوک ، ٹٹّی اور پیشاب سب کچھ چیک ہوگا۔ سمجھ رہے ہیں نا آپ۔۔۔

آگ کے شعلوں سے بستی روشن ہوئی تو اس نے معنی خیز انداز میں اپنے جوان بیٹوں کے چہروں پر موجود پریشانیوں کے سائے کچھ بڑھتے ہوئے دیکھے۔ کنکھیوں سے بچوںکے باپ ہزار سنگھ کے چہرے پر نظر ڈالی جو کسی گہرے تفکر میں ڈوبا ہوا تھا، دوسرے ہی پل میں اس کی نگاہوں کا زاویہ تبدیل ہو کر سولہ برس کی بیٹی کے چہرے کو اپنے حصار میں لے آیا۔وہ مکان کے سب سے پو تر حصے میں گروجی کی بیڑ کے سامنے ہاتھ جوڑے من ہی من میں سب کی سلامتی کی دعائیں مانگ رہی تھی ۔ سب کو ہراساں دیکھ دل ہی دل میں وہ مسکرائی، پھر کچھ سوچ کر چھوٹے چھوٹے قدم اٹھا تے ہوئے زینوں کی طرف بڑھ گئی۔ہزار سنگھ نے تفکر کے کنویں سے سر ابھار کر اسے دیکھا اور اپنے اور اپنے بڑے بیٹے سے بولا۔ آگ کے شعلوں سے بستی روشن ہوئی تو اس نے معنی خیز انداز میں اپنے جوان بیٹوں کے چہروں پر موجود پریشانیوں کے سائے کچھ بڑھتے ہوئے دیکھے۔ کنکھیوں سے بچوںکے باپ ہزار سنگھ کے چہرے پر نظر ڈالی جو کسی گہرے تفکر میں ڈوبا ہوا تھا، دوسرے ہی پل میں اس کی نگاہوں کا زاویہ تبدیل ہو کر سولہ برس کی بیٹی کے چہرے کو اپنے حصار میں لے آیا۔وہ مکان کے سب سے پو تر حصے میں گروجی کی بیڑ کے سامنے ہاتھ جوڑے من ہی من میں سب کی سلامتی کی دعائیں مانگ رہی تھی ۔ سب کو ہراساں دیکھ دل ہی دل میں وہ مسکرائی، پھر کچھ سوچ کر چھوٹے چھوٹے قدم اٹھا تے ہوئے زینوں کی طرف بڑھ گئی۔ہزار سنگھ نے تفکر کے کنویں سے سر ابھار کر اسے دیکھا اور اپنے اور اپنے بڑے بیٹے سے بولا۔ ’’ہُن کدا ای انصاف دی گل نئی اے ۔ اک بندے دی سزا۔۔۔۔۔۔۔۔۔ ’’تسی بھول رئے ہو بائو جی۔‘‘ بیٹے نے ایک ایک لفظ پر زور دیتے ہوئے معنی خیز انداز میں جواب دیا تو ہزار ہ اپنے بیٹے کیہر کو گھور کر رہ گیا۔باپ اور بیٹے کے درمیان دو جملوں کی گفتگو اس نے بھی سنی ۔ ان کے اضطراب نے اس کے اپنے دل کادریچہ کھول دیاتھا۔دل میں قید مسکراہٹ چھلانگ لگا کر اس کے ہونٹوں پر براج گئی۔وہ مکان کی چھت پرپہنچ چکی تھی اوراطمینان سے اِدھر ُادھر سے اٹھتے ہوئے آگ کے شعلوں کا رقص دیکھ رہی تھی ۔ قرب وجوار سے ابھرنے والی امدادی صدائیں جوں ہی اس کی سماعت سے ٹکرائیں تو اس کے ہونٹوں پہ براجی مسکراہٹ کچھ پھیل گئی۔ٹھیک اسی وقت ہوا کا جھوکا اپنے دامن میں چلتے جسموں کی چراند کا بھبکا لیے اس کے نتھنوں سے ٹکرایااور اس کی مسکراہٹ ہنسی میں تبدیل ہوگئی۔ ’’بی جی۔تسی کتھے ہو۔‘‘ سولہ برس کے ہر جیت کو رکو مخاطب کرنے پر اس نے پلٹ کر اس کے سراپے کو دیکھا۔ہر جیت کے پورے وجود پہ کپکپی طاری تھی اور اس کی آنکھوں میں خون کنڈلی رمالے بیٹھا تھا۔ٍٍ ’’بی جی۔۔۔۔۔۔۔تسی کتھے ہو۔۔۔۔۔۔۔۔۔۔۔۔ دیکھو۔۔۔۔۔۔۔۔۔۔۔۔۔۔سارے پا سے آگ لگی ہے۔‘‘ ’’ہوں‘‘ ’’ہوںکی بی جی؟‘‘ ’’تھکی تھکی۔ نڈھال سی سنیتیں برسوں کے بن باس لوٹتے ہوئے ہی تو دیکھ رہی ہوں۔۔۔۔۔۔۔۔۔۔۔۔۔۔۔تو۔۔۔۔۔۔۔۔۔۔۔۔۔۔۔تو نیچے جا۔۔۔۔۔۔۔۔۔۔۔۔۔۔۔۔۔۔بھائیوں کے پاس۔ ’’تو جا ہر جیت۔‘‘ اس کے تحکمانہ لہجے کی کرختگی محسوس کرتے ہی ہر جیت زینوں کی طرف بڑھ گئی۔اس نے اپنے جسم کے بالائی حصے کو اک ذرا سا جھکانے کے بعد نیچے صحن میں سر جوڑے بیٹوں اور ہزار سنگھ کو دیکھا پھر زینے اترتی ہر جیت کو جو مسرت اور بے چارگی سے اسے دیکھتے ہوئے بے دلی سے زینے طئے کر رہی تھی۔اس نے اپنے خمیدہ وجود کو سیدھا کیا اور پھر ایک مرتبہ جلتے ہوئے مکانوں کو دیکھنے لگی۔فضا، آہوںکراہوں اور چیخوں سے اٹی پڑی تھی۔ رینگتی ہوئی ٹرین ایک جھٹکے سے رُکی تو کمپارٹمنٹ میں بیٹھے ہوئے مردوں کے ذہنوں میں موجود تشویش نے جھنجلاہٹ اختیار کرلی تھی۔جو ا ن گاڑی کے رکتے ہی مستعد ہوگئے ان میں سے بیشتر نے پل بھر کی خاطر کمپارٹمنٹ کے بند دروازوں کو دیکھا اور دوسرے ہی پل اپنے عزیزوں کو ۔ یکایک وہ سب ہی چونک پڑے تھے۔ایک دم سے بہت سی آوازوں نے کمپارٹمنٹ کے دروازوں اور کھڑکیوں پر حملہ کردیا تھا۔کمپارٹمنٹ میں ٹھسا ٹھس بھرے مسافروں نے اپنی اپنی خوف زدہ نظروں سے کھڑکیوں کے اس پار چمکتی ہوئی کر پانوں کو دیکھا۔بوڑھی اورادھیڑ عورتوں نے کم سن اور جوان ہوتی ہوئی بچیوں کو اپنی چھاتیوں سے لپٹالیا۔اس اضطراری فعل سے وہ اپنے دلوں کے خوف پر قابو پانے کی ناکام کوشش کر رہی تھیں یا بچیوں کی ڈھارس بند ھا رہی تھیں۔ادھر دروازہ پیٹا جا رہا تھا پر تھپ تھپاہٹ کی ضرب وہ اپنے دلوں پر محسوس کر رہی تھیں۔ دفعتاََ ایک فائر ہوا ۔ سب نے چونک کر دیکھا ۔ ایک جوان نے اپنی خوبصورت بہن کی چھاتی میں گولی داغ دی تھی اور وہ دوسروں کو بھی اس کی ترغیب دے رہا تھا کہ ایک اور دھماکہ ہوا۔کمپارٹمنٹ کا دروازہ کھلا۔گولیاں چلیں اور وہ جوان تیورا کر گرا جس کے ہاتھ میں ریوالور موجود تھا۔عورتوں کی چیخیںبلند ہونے لگیں۔ گرتے گرتے بھی اس جوان نے اپنا ریوالور حملہ آوروں پرخالی کر دیاتھاادھر بھی تین چار گرے تھے اور دوسرے ہی پل نیزوں کی انیاں جوانوں کے سینوں کو بر مانے لگیں۔کر پانوں نے مردوں کے گلے کاٹے۔ ان کے پیٹ چاک کئے۔ایک کے بعد ایک دل خراش چیخ ابھرتی ، اور کسی نئی چیخ میں معدوم ہو جاتی۔عورتیں جبراََ اتاری جانے لگیں ، جن عورتوں نے اپنی بچیوں کے تحفظ کے خاطر کمر کسی انھیں نہر کر دیا گیا۔ان کے بعد ایسی عورتوں اور لڑکیوں کو، جنھوں نے اپنی چھوٹی بہنوں کی مدافعت کی رتی بھر بھی کوشش کی خود اس کی اپنی بہن بھی اس کے سامنے دیوار بنے کھڑی تھی اور اس کے سامنے ایک جوان ہاتھوں سنگین لگی بندوق تھا مے کھڑا تھا۔ موت۔ دونوں بہنوں کے سامنے تھی اور جوان کے رو برو تھر تھر کانپتی دو بے یار مددگار لڑکیاں۔ ’’باجی‘‘۔ اس کی لرزتی ہوئی آواز بھری ۔ بہن نے جرأت کا ذرا سا مظاہرہ کیا اور جواب میں اس کی باجی کی دل خراش چیخ ابھر کر رہ گئی۔اس کے اور حملہ آور جوان کے درمیان موجود دیوار گر چکی تھی۔ ’’کی سوچ میں گم اے ہزار۔‘‘ ’’دیکھ ۔کی چیزہے۔ماں دے خصم اے نوں اُتھے لے جا رئے ہوندے۔‘‘ ’’توڈا کی وچار ائے۔‘‘ ’’اے نوں میں گھر لے جاویں گا۔‘‘ ’’مسلی نوں۔‘‘ ’’آہو۔۔۔۔۔۔۔۔۔۔۔۔۔۔دیکھ تسی۔۔۔۔۔۔۔۔۔۔۔۔۔۔۔کڑی نئیں مٹھے دا گلاس اے۔‘‘ ’’پھینٹ پھانٹ اور ختم کراے نوں۔‘‘ ’’اوے۔کی گل کرداائے۔‘‘ ہزار ہ واقعی اسے اٹھا کر لے گیا تھا۔ ساتھیوں کے منع کرنے کے با وجود بھی۔گھر پہنچ کر اس نے بار بار اس کی عزت لوٹی ۔پھر تو اس کی آبرو ہزارہ کی خواہش کی پابند ہوتی چلی گئی۔سارا ہنگامہ ختم ہو چکا تھا۔جنون کا دریا اتر جانے کے بعد ہزارہ نے اس کا دل جیتنے کی بھی کوششیں کی تھیں لیکن اس نے تو اپنے ہونٹ سی لئے تھے۔ اکثر ہزارہ اس سے پوچھتا۔ ’’تواناںنو کدوں بھلا دینگی؟‘‘ مگراس کے پاس ہزارہ کے سوال کا ایک ہی جواب تھا۔ خاموشی ۔ بس ۔گہری خاموشی ۔ شروع شروع ناشتہ پانی کا انتظام ہزارہ نے ہی کیا تھا۔پھر چولہا چوکا خود اس نے سنبھال لیا۔اپنے پر گزر جانے والی قیامت کے اعصاب شکن احساسات کے اثر ات زائل کرنے کی خاطر ہی اس نے مصروفیت کا سہارا لیاتھا۔اسی قیامت کے عذاب کو بھلانے کی خاطر اس کی کوکھ نے بھی تین جانیں اگل دی تھیں۔بڑا کیہر سنگھ،چھوٹا کرم جیت سنگھ اور ایک بیٹی ہرجیت کور۔ وقت پر لگا کر اڑتا رہا۔ہزارہ کے بچے بڑے ہونے لگے۔تب اسے خیال آیا کہ گائوں کی زندگی اس کے بچوں کو بہتر مستقبل فراہم نہ کر سکے گی۔اپنی زمین فروخت کرنے کے بعد وہ دہلی منتقل ہو گیا۔راجدھانی پہنچ کر اس نے پر چون کی دکان کھولی۔کاروبار کے ترقی پاتے ہی دکان بڑے بیٹے اور ملازم کے سپرد کرکے اس نے موٹر سائیکل کے پرزوں کی ایجنسی لے لی۔ترقی نے یہاں بھی اس کے قدم چومے اور۔۔۔۔۔۔آج ہزارہ کی بچی ہرجیت اسی دہلیز پہ کھڑی تھی جہاں سے خود اس کی اپنی زندگی میں انقلاب آیا تھا۔ جلتے ہوئے مکانوں کی آگ کی روشنی اس کے چہرے پہ پڑ رہی تھی اور نیچے صحن میں کھڑا ہزارہ اس سے مخاطب تھا۔ اوئے تسی تھلے آجا۔۔۔۔۔۔۔ائے کی کرائی اے۔ چھت کی کگاریر ہتھیلیاں ٹیک کر اس نے سر جھکا کر نیچے دیکھا۔پھر بچوں کو۔اس سے پہلے کہ وہ ہزارہ کی بات کا جواب دیتی۔بلوائیوںنے مکان پر دھاوا بول دیا۔ہرجیت ڈر کے مارے کمرے میں بھاگی۔پل بھر میں ہزارہ ، کیہر اور کرم جیت نے ایک دوسرے کو دیکھا۔پھر کھونٹیوں پہ ٹنگی ہوئی کرپانوں کو۔آنکھوں ہی آنکھوں میں کچھ فیصلے ہوئے اور اس سے پہلے کہ وہ کرپانوں کی طرف بڑھتے دروازہ ٹوٹ کر صحن میں آن گرا۔ ایک دم سے کئی جوان ہاتھوں میں جلتی ہوئی مشعلیں، لاٹھیاں اور بندوقیں لیے صحن میں گھس آئے۔ ایک نے آگے بڑھ کر چھوٹے کے کھیس پکڑے دوسرا ہزارہ کی طرف بڑھا۔ کیہر کرم جیت کی طرف بڑھا تو ایک بلوائی نے اپنا ریوالور اس کے سینے پر رکھ دیااور ٹریگر پر انگلی کا دبائو بڑھاتے ہوئے گالی دینے لگا۔ کرم جیت دہشت زدہ اب بھی ان کی گرفت میں تھا ایک نے اس کا کام بھی تمام کردیا  تب کسی نے چیخ کر سب کو مخاطب کیا۔ ’’ایک عورت اور ایک لونڈیاں اور ہے گی اس مکان میں۔‘‘ وہ سنبھل گئی۔ اس نے اپنے سارے وجود سے ہمتیں بٹوریں اور چھت پر سے صحن میں کود گئی۔چند ثانیوں کے لیے تمام حملہ آوروں پر سکتہ طاری ہو گیا۔ اٹھ کر اس نے کولہے جھاڑے ایک نگاہ بلوائیوں پہ ڈالی۔ پھر کیہر کرم جیت اور ہزارہ کی لاشوں کو دیکھتے ہوئے الٹے قدموں کمرے کی طرف بڑھی۔ ’’ سوچو کیا ہو۔ ختم کرو۔‘‘ ’’اور لونڈیاں کو اٹھالو۔‘‘  ’’بی جی ۔۔۔۔۔۔۔۔۔۔۔۔۔۔۔۔۔۔‘‘ہر جیت کی کانپتی ہوئی آواز اس کے کانوں سے ٹکرائی۔ ’’باجی۔۔۔۔۔۔۔۔۔کہیں۔۔۔۔۔۔۔۔۔۔۔۔۔۔۔۔۔بہت دور سے خود اپنی آواز بھی اس نے سنی۔ ’’بی۔۔۔۔جی۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہر جیت نے اسے پھر پکارا۔ ’’باجی۔۔۔۔۔۔۔۔۔۔۔۔۔۔۔۔۔خود اپنی ہی آواز۔ اب اس نے بہت قریب سی سنی۔‘‘ ’’بی ۔۔۔۔۔۔۔۔جی۔۔۔۔۔۔۔۔۔۔۔۔۔۔ہرجیت ہڑبڑا کر کمرے سے نکل آنے کی حماقت کر بیٹھی۔ ’’سوچوکیا ہو۔ ٹھکانے لگا اسے۔ اور اٹھالو۔ لونڈیا کو۔‘‘ اس نے دیکھا ایک بندوق بردار اس کا نشانہ لے رہا تھا ۔ پل بھر میںا س نے ایک فیصلہ کیا۔ سرعت سے مڑ کر اس نے ہر جیت کو اپنے سے الگ کیا۔ لپک کر کرپان نکالی اور آن واحد میں وہ کرپان ہرجیت کے پیٹ میں اتار دی۔ وہ نشانہ لے رہا تھا۔ بندوق اس کے ہاتھوں میں لرز کر رہ گئی۔ اٹھی ہوئی لاٹھیاں جھک گئیں۔مشعلوں میں روشن آگ کچھ اور تیز ہو چلی تھی۔فرش پر ہر جیت آخری سانسیں لیتے ہوئے تڑپ رہی تھی اور مشعلوں کی روشنی میں ماں اور بیٹی دونوں کا چہرہ تمتمارہا تھا۔