Yaum E Iqbal par Jalgaon mein Mushaira

Articles

علامہ اقبال کی یوم پیدائش پر جلگاؤں میں مشاعرے کا انعقاد

وسیم عقیل شاہ

جلگاؤں 9 نومبر : مہاراشٹر ضلع پریشد اقلیتی ملازمین/ افسران تنظیم، شاخ جلگاؤں کے زیر اہتمام شاعر مشرق ڈاکٹر علامہ محمد اقبال کے یوم پیدائش کے موقع پر ایک شاندار مشاعرے کا انعقاد اقراء کالج آف ایجوکیشن (اقرا نگر، جلگاؤں ) کے سیمنار ہال میں کیا گیا ـ مشتاق ساحل نے تلاوت قرآن پاک سے محفل کا آغاز کیا تو حافظ شفیق رحمانی نے نذرانہ نعت نبی ( ص) پیش کر کے محفل کو پر نور کر دیا ـ صدارت ڈاکٹر عبدالکریم سالار نے فرمائی جبکہ رسم شمع فروزی بدست الحاج عبدالغفار ملک انجام پائی ـ اس محفل مشاعرہ میں خطیب مارولوی، شکیل میواتی، مشتاق ساحل، مجید آتش، اخلاق نظامی، عادل حسین عادل، وقار صدیقی، انیس کیفی، انظر مصطفی آبادی، اقبال اثر، حافظ شفیق رحمانی، قاضی رفیق راہی، صابر آفاق، اظہرالدین ظاہر اور فہیم کوثر جیسے معروف شعرائے کرام نے اپنے کلام سے سامعین کو محظوظ کیا ـ بطور مہمانان خصوصی مجید میمن، افتخار غلام رسول، ڈاکٹر انیس شیخ اور وسیم فراز شریک رہے ـ نیز اس تقریب میں شہر جلگاؤں کے بالخصوص اساتذہ کرام نے کثیر تعداد میں شرکت کر کے ادبی بیداری کا ثبوت فراہم کیا ـ پروگرام کو کامیابی سے ہمکنار کرنے میں ناظم علی شاہ، غلام دستگیر خان، ندیم مرزا، شیخ خلیل احمد اور سلیم رمضان پٹیل نے خاص تعاون پیش کیا ـ  نظامت کے فرائض سجاد حیدر نے بہ حسن و خوبی انجام دیے جبکہ رسم شکریہ ندیم مرزا نے پیش کی ـ