Intekhab E Kalam Kaleem Aajiz

Articles

کلیم عاجز


انتخابِ کلام کلیم عاجز कलीम आजिज़

 

میرے ہی لہو پر گزر اوقات کرو ہو

مجھ سے ہی امیروں کی طرح بات کرو ہو

دن ایک ستم ,ایک ستم رات کرو ہو

وہ دوست ہو دشمن کو بھی تم مات کرو ہو

ہم خاک نشیں تم سخن آرائے سر بام

پاس آ کے ملو دور سے کیا بات کرو ہو

ہم کو جو ملا ہے وہ تمہیں سے تو ملا ہے

ہم اور بھلا دیں تمہیں کیا بات کرو ہو

یوں تو کبھی منہ پھیر کے دیکھو بھی نہیں ہو

جب وقت پڑے ہے تو مدارات کرو ہو

دامن پہ کوئی چھینٹ نہ خنجر پہ کوئی داغ

تم قتل کرو ہو کہ کرامات کرو ہو

بکنے بھی دو عاجزؔ کو جو بولے ہے بکے ہے

دیوانہ ہے دیوانے سے کیا بات کرو ہو

मेरे ही लहू पर गुज़र-औक़ात करो हो

मुझ से ही अमीरों की तरह बात करो हो

दिन एक सितम , एक सितम रात करो हो

वो दोस्त हो दुश्मन को भी तुम मात करो हो

हम ख़ाक-नशीं तुम सुख़न-आरा-ए-सर-ए-बाम

पास के मिलो दूर से क्या बात करो हो

हम को जो मिला है वो तुम्हीं से तो मिला है

हम और भुला दें तुम्हें क्या बात करो हो

यूँ तो कभी मुँह फेर के देखो भी नहीं हो

जब वक़्त पड़े है तो मुदारात करो हो

दामन पे कोई छींट ख़ंजर पे कोई दाग़

तुम क़त्ल करो हो कि करामात करो हो

बकने भी दो ‘आजिज़’ को जो बोले है बके है

दीवाना है दीवाने से क्या बात करो हो


2

مری صبح غم بلا سے کبھی شام تک نہ پہنچے

مجھے ڈر یہ ہے برائی ترے نام تک نہ پہنچے

مرے پاس کیا وہ آتے مرا درد کیا مٹاتے

مرا حال دیکھنے کو لب بام تک نہ پہنچے

ہو کسی کا مجھ پہ احساں یہ نہیں پسند مجھ کو

تری صبح کی تجلی مری شام تک نہ پہنچے

تری بے رخی پہ ظالم مرا جی یہ چاہتا ہے

کہ وفا کا میرے لب پر کبھی نام تک نہ پہنچے

میں فغان بے اثر کا کبھی معترف نہیں ہوں

وہ صدا ہی کیا جو ان کے در و بام تک نہ پہنچے

وہ صنم بگڑ کے مجھ سے مرا کیا بگاڑ لے گا

کبھی راز کھول دوں میں تو سلام تک نہ پہنچے

مجھے لذت اسیری کا سبق پڑھا رہے ہیں

جو نکل کے آشیاں سے کبھی دام تک نہ پہنچے

انہیں مہرباں سمجھ لیں مجھے کیا غرض پڑی ہے

وہ کرم کا ہاتھ ہی کیا جو عوام تک نہ پہنچے

ہوئے فیض مے کدہ سے سبھی فیضیاب لیکن

جو غریب تشنہ لب تھے وہی جام تک نہ پہنچے

جسے میں نے جگمگایا اسی انجمن میں ساقی

مرا ذکر تک نہ آئے مرا نام تک نہ پہنچے

تمہیں یاد ہی نہ آؤں یہ ہے اور بات ورنہ

میں نہیں ہوں دور اتنا کہ سلام تک نہ پہنچے

मिरी सुब्ह-ए-ग़म बला से कभी शाम तक पहुँचे

मुझे डर ये है बुराई तिरे नाम तक पहुँचे

मिरे पास क्या वो आते मिरा दर्द क्या मिटाते

मिरा हाल देखने को लब-ए-बाम तक पहुँचे

हो किसी का मुझ पे एहसाँ ये नहीं पसंद मुझ को

तिरी सुब्ह की तजल्ली मिरी शाम तक पहुँचे

तिरी बे-रुख़ी पे ज़ालिम मिरा जी ये चाहता है

कि वफ़ा का मेरे लब पर कभी नाम तक पहुँचे

मैं फ़ुग़ान-ए-बे-असर का कभी मो’तरिफ़ नहीं हूँ

वो सदा ही क्या जो उन के दर-ओ-बाम तक पहुँचे

वो सनम बिगड़ के मुझ से मिरा क्या बिगाड़ लेगा

कभी राज़ खोल दूँ मैं तो सलाम तक पहुँचे

मुझे लज़्ज़त-ए-असीरी का सबक़ पढ़ा रहे हैं

जो निकल के आशियाँ से कभी दाम तक पहुँचे

उन्हें मेहरबाँ समझ लें मुझे क्या ग़रज़ पड़ी है

वो करम का हाथ ही क्या जो अवाम तक पहुँचे

हुए फ़ैज़-ए-मय-कदा से सभी फ़ैज़याब लेकिन

जो ग़रीब तिश्ना-लब थे वही जाम तक पहुँचे

जिसे मैं ने जगमगाया उसी अंजुमन में साक़ी

मिरा ज़िक्र तक आए मिरा नाम तक पहुँचे

तुम्हें याद ही आऊँ ये है और बात वर्ना

मैं नहीं हूँ दूर इतना कि सलाम तक पहुँचे


3

یہ آنسو بے سبب جاری نہیں ہے

مجھے رونے کی بیماری نہیں ہے

نہ پوچھو زخم ہائے دل کا عالم

چمن میں ایسی گل کاری نہیں ہے

بہت دشوار سمجھانا ہے غم کا

سمجھ لینے میں دشواری نہیں ہے

غزل ہی گنگنانے دو کہ مجھ کو

مزاج تلخ گفتاری نہیں ہے

چمن میں کیوں چلوں کانٹوں سے بچ کر

یہ آئین وفاداری نہیں ہے

وہ آئیں قتل کو جس روز چاہیں

یہاں کس روز تیاری نہیں ہے

ये आँसू बे-सबब जारी नहीं है

मुझे रोने की बीमारी नहीं है

पूछो ज़ख़्म-हा-ए-दिल का आलम

चमन में ऐसी गुल-कारी नहीं है

बहुत दुश्वार समझाना है ग़म का

समझ लेने में दुश्वारी नहीं है

ग़ज़ल ही गुनगुनाने दो कि मुझ को

मिज़ाज-ए-तल्ख़-गुफ़्तारी नहीं है

चमन में क्यूँ चलूँ काँटों से बच कर

ये आईन-ए-वफ़ादारी नहीं है

वो आएँ क़त्ल को जिस रोज़ चाहें

यहाँ किस रोज़ तय्यारी नहीं है


4

سینے کے زخم پاؤں کے چھالے کہاں گئے

اے حسن تیرے چاہنے والے کہاں گئے

خلوت میں روشنی ہے نہ محفل میں روشنی

اہل وفا چراغ وفا لے کہاں گئے

بت خانے میں بھی ڈھیر ہیں ٹکڑے حرم میں بھی

جام و سبو کہاں تھے اچھالے کہاں گئے

آنکھوں سے آنسوؤں کو ملی خاک میں جگہ

پالے کہاں گئے تھے نکالے کہاں گئے

برباد روزگار ہمارا ہی نام ہے

آئیں تماشا دیکھنے والے کہاں گئے

چھپتے گئے دلوں میں وہ بن کر غزل کے بول

میں ڈھونڈھتا رہا مرے نالے کہاں گئے

اٹھتے ہوؤں کو سب نے سہارا دیا کلیمؔ

گرتے ہوئے غریب سنبھالے کہاں گئے

सीने के ज़ख़्म पाँव के छाले कहाँ गए

हुस्न तेरे चाहने वाले कहाँ गए

ख़ल्वत में रौशनी है महफ़िल में रौशनी

अहल-ए-वफ़ा चराग़-ए-वफ़ा ले कहाँ गए

बुत-ख़ाने में भी ढेर हैं टुकड़े हरम में भी

जाम-ओ-सुबू कहाँ थे उछाले कहाँ गए

आँखों से आँसुओं को मिली ख़ाक में जगह

पाले कहाँ गए थे निकाले कहाँ गए

बर्बाद-ए-रोज़गार हमारा ही नाम है

आएँ तमाशा देखने वाले कहाँ गए

छुपते गए दिलों में वो बन कर ग़ज़ल के बोल

मैं ढूँढता रहा मिरे नाले कहाँ गए

उठते होऊँ को सब ने सहारा दिया ‘कलीम’

गिरते हुए ग़रीब सँभाले कहाँ गए